لیٹس گرین تربت کی ٹیم کا دس لاکھ درخت لگانے کا منصوبہ ： تحریر：اورنگ زیب نادر

تحریر: اورنگ زیب نادر

لیٹس گرین تربت کاآغاز فیس بک پیج (Facebook page) کے ذریعے سے ہوا۔لیٹس گرین تربت کا آغاز سماجی کارکن معراج روشن نے کیا ۔پچھلے سال لیٹس گرین تربت کی ٹیم نے بھرپور حصہ لیا پچھلے سال تربت کے بیشتر علاقوں،اسکولوں،دفاتر ودیگر جگہوں میں لیٹس گرین تربت کی ٹیم نے درخت لگائے۔

لیٹس گرین تربت کی ٹیم پچھلے سال کی طرح اس سال بھی بڑھ چڑھ کر حصہ لے گی۔لیٹس گرین تربت گزشتہ سال سے تربت میں شجرکاری کررہاہے اب تک لیٹس گرین تربت ہزاروں کی تعداد میں درخت لگا چکاہے۔ لیٹس گرین تربت کے فاونڈر اور کوآرڈینیٹر معراج روشن نے بتایا کہ کمشنر مکران طارق زہری صاحب ضلع کیچ سے تعلق رکھنے والا ممبر اسمبلی کے تعاون سے لیٹس گرین تربت اس سال لاکھوں کی تعداد میں درخت لگانے کے منصوبےپر کام کررہاہے اس سال اگست میں پانچ سے دس لاکھ اگلے سال فروری میں پانچ سے دس لاکھ درخت لگانے کے منصوبےپر کام کررہاہے۔

اس سلسلے میں لیٹس گرین تربت ضلع کیچ سے تعلق رکھنے والا پچاس سے زائد لوکل سماجی تنظیموں (Organizations) کے ساتھ ملکر اس منصوبے پر کام کرنے جارہاہے'

جس میں مند سے لیکر ہوشاب دشت سے لیکر پیدراک کولوہ سمیت پورے ضلع کیچ میں شجر کاری مہم کو پھیلانے جارہاہے

اس منصوبہ میں ایک ہزار سے زائدمختلف طبقہ فکر سے تعلق رکھنے والے لوگ شامل ہیں یہ منصوبہ انشاءاللہ ضلع کیچ کے ماحول میں کافی تبدیلی لائے گا اس منصوبے کو مزید تقویت دیتے ہو ئےاس منصوبے میں مزیدپھل دار درخت شامل کرنے جارہے ہیں ۔

عورتوں کی غذا کو پورا کرنے کیلئےغریب خواتین کیلئےایک سو پھل دار درخت والا باغ بنانے کا منصوبہ بھی زیر غور ہے جو غربت کے خاتمہ کیلئے اہم ہوگا ۔

اس کے علاوہ لیٹس گرین تربت نے اپنے اغراض و مقاصد میں یونائیٹڈ نیشن کی جانب رکھنے Sustainable development Goals بھی شامل کردیا جو انتہائ اہمیت کا حامل ہے اور لیٹس گرین تربت کو یہ اعزاز حاصل ہے کہ پاکستان کا پہلا لوکل آرگنائزیشن ہے جو یونائیٹڈ نیشن کی جانب رکھنے والا کچھ گولز پر کام کررہاہے۔

ہمیں آپ لوگوں کے تعاون و مدد کی ضرورت ہے آپ ہمیں اس نیک کام میں مدد دیں تاکہ ماحول کو خوشگوار اور خوبصورت بنایاجاسکے۔