باز دور شُتگیں چہ ھمے کارست ءَ یکے شھید ءِ میتگ اِنت…
آ روچی من کہ مادریں ڈیھ ءِ چارگ ءَ گوں دوستاں سپر ءَ درتک ایں …
سپر روان اَت کوہ پہ کوہ، کور پہ کور ءُ میتگ پہ میتگ زند ءِ وشیں ساہت ھما اَنت کہ تو گوں وتی مھروانیں مردم ءَ گوں سپر بہِ بئے
مئے سر یک میتگے ءَ کپت اے میتگ ویران اَت ءُ مردم نیست اَت بلے یک کِسہ یے الم است ءَ میتگ ءَ…
ما میتگ یل ءَ کُت کمو دیم ءَ کنزِتیں…
میتگ ءَ کمو چہ دور یک زیبائیں ڈگارے است ءَ…
ڈگار ءَ ما سر بوتیں یک کماشے نشتگ ءَ گُڑا من کماش ءَ جست کُت کماش ادا کس نیست میتگ ویران اِنت…
پر چہ ؟؟
کماش ءَ گوں گیمرتگیں دیدگ ءَ گُشت ادا مردم رستراں گلینتگ اَنت…
رستران ؟؟
کماش ءَ ھُو ورنا رستراں…
اے بلائیں بازار یک رسترے ءِ ترس ءَ یل کتگ ءُ شتگ اَنت…
پرچہ کماش ؟؟
ورنا اے ھما رستراں کہ اے وڈیں ھزار میتگ ایشاں ویران کتگ…
من چہ کماش ءَ جست گِپت کس ءَ رسترانی جنّگ ءِ جہد نہ کتگ ؟؟؟
بلے ورنا اے میتگ ءَ یک ورناهے است ءَ کہ رسترانی جنّگ ءَ جہد کُت…
گُڑا چون بوت کماش ؟؟؟
اے رستر پہ کشگ ھلاس نبوتاں…
ھُو ورنا شھید بوت…
اگاں شھید کبر چارگ لوٹ ئے اے میتگ ءِ کبلہ ئی نیمگ ءَ کبرستان اِنت…
اگاں تو چارئے…
زرور کماش شھید پہ زمین جان داتگ روان دعا واناں کہ اللہ پاک جاہ ءِ وش بکنت…
شر ورنا من رواں کہ منی اوتاگ چِدا باز دور اِنت…
تو هم مہ نِند برو…
شپ وتی چادر ءَ مان پوشان اِنت رستر اوں نو کائینت
کماش پشت پِر کتُ ءُ چہ کوہ ءَ رهادگ بوت…
من جنزان بوتاں پدا دیم میتگ ءِ نیمگ ءَ…
میتگ ءَ سر بوئگ ءَ پد من کہ کبرستان ءَ شوتاں کہ کبر ؤ سک باز است ءَ چہ سدہ گیش بلے چہ درسیتں کبراں گِست ءَ یک کبرے ءِ سرا نبشتہ ءَ شہید میران…
منی دماگ ءَ ھمے ھبر بار بار پیداک اَت کہ مرگ ءَ ؤ دراہ مرتگ اَنت
اشان چو میران وڑ ءَ جہد بُکتیں…
مرچی اے میتگ ویران نہ بوتگ ءَ…
کوئی تبصرے نہیں
ایک تبصرہ شائع کریں