کیچ کے سماجی تنظمیوں کو سلام ：تحریر： اورنگ زیب نادر

تحریر: اورنگ زیب نادر

یادرہے کہ کیچ کے نوجوانوں نے ہمیشہ مصیبت کے وقت قوم کی خدمت کی ہے اور مشکل گھڑی میں عوام کا ساتھ دیاہے۔

جو بھی مصیبت یا قدرتی آفات آئے ہیں تو کیچ کے سماجی تنظمیوں نے عوام کی خدمت میں پیش پیش رہے ہیں ۔کیچ میں دو بڑے سیلاب آئے تھے اور ان دونوں سیلاب میں بہت نقصان ہوا بے حساب لوگ بےگھر ہوگئے اور کئی زندگی سے ہاتھ دھوبیٹھے۔ لیکن کیچ کے سماجی تنظمیوں نے عوام کا ساتھ دیا۔

سال 2019 کے آخر میں ایک خطرناک مرض نے جنم لیا اور ساری دنیا کو اپنے لپیٹ میں لیا اس وقت اس وبائی مرض سے 150,625 سے زائد لوگ زندگی سے ہاتھ دوبیٹھے ہیں اور 2,227,669 سے زائد لوگ اس مرض میں مبتلاہیں اور ساری دنیا لاک ڈاون ہوگیاہے۔ لاک ڈاون کی وجہ عوام کو شدید مشکلات کا سامنے ہے خاص کر مزدور طبقہ جو کے بہت پریشان ہے

اس موقع پر کیچ کے سماجی تنظمیوں نے اپنے دن رات کو ایک کردیا اور عوام کی خدمات میں مصروف ہیں۔کیچ کے سماجی تنظیمیں اس وقت کیچ کے عوام کو امداد فراہم کررہےہیں جن میں مزدور اور دیہاڑی دار لوگ بھی ہیں۔کیچ کے سماجی تنظیم کیچ کے مختلف علاقوں میں راشن فراہم کرچکے ہیں۔

الخدمت فاؤنڈیشن کیچ،گلزار ویلفیئر ٹرسٹ ،الخیرالناس ٹرسٹ،رائزنگ یوتھ آف بلوچستان، رضاکار ویلفیئر ٹرسٹ ،اوست ویلفیئر ٹرسٹ ،کور کمیٹی ودیگر سماجی تنظمیں خدمت خلق میں مصروف عمل ہیں ان کی خدمات قابل ستائش ہیں اور اللہ پاک سے دعاہے کہ ان کو ہمیشہ سلامت رکھے اور زندگی میں برکت عطافرمائے۔ آمین