آفت زدہ علاقہ سب تحصیل بل نگور کے سیلاب سے متاثرہ علاقوں کادورہ

تربت۔ دورہ بل نگور دشت

صوبائی مشیر پبلک ہیلتھ انجینئرنگ لالہ رشیددشتی کی خصوصی ہدایت پر ڈپٹی کمشنر کیچ کا افسران کے ہمراہ آفت زدہ علاقہ سب تحصیل بل نگور کے سیلاب سے متاثرہ علاقوں کادورہ، نقصانات کاجائزہ لیا اور متاثرین میں راشن ودیگرامدادی اشیاء تقسیم کئے، صوبائی مشیرپی ایچ ای لالہ رشیددشتی کی اپیل پر صوبائی حکومت نے حالیہ بارشوں سے سب سے زیادہ متاثرہ علاقہ سب تحصیل بل نگورکو آفت زدہ قرار دیاہے، گزشتہ دنوں ڈپٹی کمشنرکیچ حسین جان بلوچ نے صوبائی مشیرپی ایچ ای کی خصوصی ہدایت پر آفت زدہ علاقہ سب تحصیل بل نگور کے علاقوں بل کراس، بل نگور، گہرگ باغ، کاشاپ ودیگرمقامات کا دورہ کیا دورے میں حاجی رستم بزنجو، جاویدکریم، صابرفدا، ملامنیر احمد ودیگران کے ہمراہ تھے، جبکہ علاقائی معتبرین کہدہ مولابخش، حاجی غلام ودیگر بھی موجودتھے، ڈی سی کیچ نے اپنی ٹیم کے ہمراہ متاثرین میں راشن ودیگر اشیائے ضروریات تقسیم کئے اورنقصانات کاجائزہ لیا، صوبائی مشیر پی ایچ ای لالہ رشیددشتی نے بتایاکہ سب تحصیل بل نگور کے متاثرین کی مکمل بحالی تک اقدامات جاری رہیں گے، متاثرہ سڑکوں، بندات، واٹرسپلائی اسکیموں اور مکانات کی بحالی جلد یقینی بنائی جائے گ