طوفانی بارشوں سے متاثرہ دیہاتوں یوسی کپر، بھنڈی، شکر بل اور دیگر علاقوں کا دورہ

پسنی： ڈپٹی کمشنر گوادر کیپٹن ریٹائرڈ جمیل احمد کی خصوصی ہدایت پر اسسٹنٹ کمشنر پسنی نے تحصيل پسنی کے گزشتہ دنوں کی طوفانی بارشوں سے متاثرہ دیہاتوں یوسی کپر، بھنڈی، شکر بل اور دیگر علاقوں کا دورہ کرکے متاثرین میں کمبل، ٹینٹ، چٹاٸی سمیت خورد و نوش کی اشیا تقسيم کی۔

متاثرین نے اسسٹنٹ کمشنر محمد جان بلوچ اور ڈپٹی کمشنر گوادر کی مصیبت کی گھڑی میں تعاون کا شکریہ ادا کرتے ہوئے کہا کہ ان کی بروقت امداد سے متاثرین کی حوصلہ افزاٸی ہوٸی۔ اس موقع پر لیویز رسالدار سلام بلوچ اور دیگر اہلکار موجود تھے۔